Украинадаги Запорожье автомобиль заводи (ЗАЗ) 2022 йилдан янгиланган «Запорожец»ни кенг кўламли ишлаб чиқаришни бошлайди. Янги машиналарга «Одесса» ЗАЗ номи берилади.

Аммо сиз-у биз билган машиналар ўтмишда қолди — эндигиси бутунлай янги дизайнда, хитойча «масаллиқ»лардан тайёрланган.

---

Мавзуга доир: 1 октябрда илк «Запорожец» конвейердан чиққан (фото)

Янги машиналарга Хитойнинг «FAW» автокорпорациясига қарашли «GrouBesturn T77» моделлари асос қилиб олинган, украинча ва хитойча моделлар ўртасида айтарли тафовут йўқ.

Ҳар икки талқинда ҳам 1,5 литрли, 160 от кучига эга двигателлар ишлатилади, 6-босқичли механик узатмалар қутиси ёки «автомат коробка» ўрнатилади. Автомобиль замонавий дизайнга эга.

«Запорожец» панели рақамли, замонавий медиатизим ва икки зонали иқлим-назорат тизимига эга бўлади.

Янги «Запорожец»нинг нархи 1,5 миллион рублдан бошланади. Солиштириш учун: «Renault» компанияси айрим машиналарини Россияда арзонроққа сотяпти:

• Arkana – 1,306 млн. рубл(197,3 млн. сўм)дан бошланади
• Duster – 1,017 млн. рубл(154 млн. сўм)дан бошланади
• Kaptur – 1,22 млн. рубл(184,3 млн. сўм)дан бошланади.