«Cobalt» ичидан пулларни ўғирлаган аёл қўлга олинди
Сурхондарё вилоятининг Ангор туманида 2022 йил 21 июнь куни, туманнинг «Карвон» маҳалласида яшовчи, Т.Карим (исм шарифлар ўзгартирилган) туман ИИБга ариза билан мурожаат қилади.
Унда шу куни соат 13:00 ларда, номаълум шахс, туманнинг «Таллашқон» маҳалласи ҳудудида эшиклари очиқ турган «Cobalt» русумли автомашинаси ичидан 1.290.000 (бир миллион икки юз тўқсон минг) сўм пулларини ўғирлаб кетганлигини билдирган.
Ички ишлар органлари ходимлари томонидан кўрилган чоралар натижасида, ушбу ўғирлик жиноятини Термиз шаҳрида яшовчи, Б.Севинч содир этганлиги аниқланиб ушланган ва ашёвий далил олинган.
Мазкур ҳолат юзасидан Б.Севинчга нисбатан Ўзбекистон Республикаси Жиноят кодексининг 169-моддаси 1-қисми билан жиноят иши қўзғатилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter