«Оққўрғон-Бўка» йўлида «Нексия» пастликка қулади
29 декабрь куни ижтимоий тармоқда «Оққўрғон-Бўка» йўналишида «Нексия» пастликка тушиб кетди» сарлавҳаси остидаги видео лавҳа тарқалди.
ИИВ ЙҲХББ матбуот хизматига кўра, 27 декабрь куни соат 10:30 ларда, Тошкент вилояти, Оққўрғон тумани ҳудудидан ўтган «Оққўрғон-Бўка» автомобиль йўлида 1991 йилда туғилган Б.Ҳ. «Нексия-3» русумли автомобилда ҳаракатланаётиб, эҳтиётсизлиги оқибатида руль бошқарувини йўқотган ва йўлдан чиқиб кетиб пастликка ағдарилган.
Ағдарилиш натижасида тан жароҳати олганлар йўқ.
Мазкур ҳодиса юзасидан Оққўрғон тумани ИИБ ЙҲХБ томонидан суриштирув ишлари олиб борилиб, сабабларига аниқлик киритилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter