Кеча Тошкентдаги «Арчакўча»да бўлган пичоқлашув ҳақида хабар берилди
Кеча, 5 июнда Тошкент шаҳрида халқ орасида «Арчакўча» номи билан машҳур бўлган ҳудудда ёшлар ўртасида катта жанжал юзага келгани ва икки кишига пичоқ урилгани ҳақида маълумот берилди.
Хабарда айтилишича, 5 июн куни соат 18.00 ва 19.00 оралиғида, Шайхонтоҳур туманидаги Кичик халқа автомобиль йўлида (эски Арчакўча) ёшлар ўртасида жанжал юзага келган. Жанжал оқибатида икки нафар йигит пичоқдан яраланиб, шифохонага етказилдилар.
Можаронинг бошқа қатнашчиларининг шахслари ва иштирокчиларнинг умумий сони аниқланмоқда. Уларни қўлга олиш бўйича чоралар кўрилмоқда. Ҳодиса Тошкент шаҳар ИИББ бошлиғининг шахсий назоратига олинди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter