2019 йили «Statista» дунё мамлакатлари пандемияларга қай даражада шайлигини ифодаловчи харитани чоп этганди. Ушбу инфографикага қатор Америка институт ва фондларининг таҳлиллари натижаси — Глобал соғлиқни сақлаш хавфсизлиги индекси асос қилиб олинганди.

Доналд Трамп ушбу статистика билан фахрлангани аниқ, чунки бунда АҚШ — биринчи ўринда! Буюк Британия эса иккинчи!

2020-2021 йиллардаги реаллик эса шундай: пандемия тиз чўктирган АҚШ ковидга чалинишда жаҳонда яққол етакчи, Буюк Британия ҳам энг олдинги ўринларда.

COVID-19 қайд этилиши энг юқори 10 мамлакат (01.02.2021) 

2019 йилги пандемияга тайёргарлик индексида мамлакатлар шартли уч тоифага ажратилганди:

• Сариқ — яхши
• Тўқ сариқ — ўртача
• Қизил — ёмон.

Йирик мамлакатлар — Россия, Хитой, Бразилия, Германия таҳлилчилар томонидан 2019 йили «ўртамиёналар» қаторига киритилганди. Пандемияни қаттиқ ва муросасиз бостирган Хитойдан ташқари, бошқалар не кўйга тушгани маълум.

Харитада қизилга бўялган Туркманистон ва Шимолий Корея ҳанузгача «коронавирусдан холи».