Бухорода 2,5 ойда янги қудуқ бурғуланиб, газ ва конденсат олинди
«Ўзбекнефтгаз» АЖ Муборак нефт ва газ қазиб чиқариш бошқармасига қарашли Бухородаги «Сомонтепа» конидаги 127-қудуқда бурғулаш ишлари якунланди.
Ушбу қудуқда бурғулаш ишлари 2019 йилнинг 16 декабрь ойида бошланган эди. Ер қатламининг 2348-2475 метр интерваллар оралиғида перфорация ишлари амалга оширилди.
Бурғулаш ишлари жорий йилнинг 1 мартида тугатилди ва 10 мартдан эса қудуқ ишга туширилди.
Натижада қудуқдан кунлик 96 800 куб метр саноат миқёсида фойдаланиладиган табиий газ ва 0.58 тонна конденсат қазиб олишга эришилди.
Эслатиб ўтамиз, «Сомонтепа» кони Бухоро вилоятининг Олот туманида жойлашган бўлиб, 2006 йилда ишга туширилган. Ҳозирги кунда кондаги 43 та қудуқдан газ ва кондесант маҳсулотлари қазиб чиқарилмоқда.
«Ўзбекнефтгаз» АЖ Матбуот хизмати
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter