Exolaunch бош директори, 42 ёшли Дмитрий Богданов Ўзбекистонда туғилган. 1995 йилда Тошкент авиация институтига ўқишга кирди, у ерда 3-курсда ўқишни ташлаб Германияга кўчиб ўтди. 2000 йилда у Берлин техника университетига ҳужжат топширди ва авиация ва космонавт-муҳандис мутахассислигига ўқишга қабул қилинди.

Талабалик чоғида у космик технологиялар кафедрасида доцент сифатида ишлай бошлади. 2006 йилда университетни тугатгандан сўнг, Богданов кафедрада ўқитувчи бўлиб қолди ва космик кемаларни лойиҳалаш соҳасида амалий тадқиқотлар билан шуғулланди.

2011 йилда у ўзининг Exolaunch GmbH компаниясини рўйхатдан ўтказди. Буюртмачи Берлин ва Дрезден техник университетлари эди, улар учун кислородни ўлчаш ва университет ишланмаларини синаб кўриш учун космосга учта кичик йўлдошни учириш керак эди.

Дебют парвоз унинг учун жуда фойдали бўлди - Германия университетлари учун ишга тушириш нархи 70 000 долларни ташкил этди, шундан 7 фоизга яқини Exolaunch комиссияси ҳиссасига тўғри келди. Богданов маълумотларига кўра, 2016 йилгача компаниянинг беш-етти мижози бўлган ва даромади 1 миллион доллардан кам эди, 2017 йилдан буён харидорлар сони 20-30 компанияга ўсган, товар айланмаси 10-15 баробар ва даромади 10 млн доллардан ошиб кетган.

Exolaunch SpaceX билан 2020 йилда ҳамкорликни бошлаган. Биринчи марта «Exolaunch»ни ишга тушириш бўйича компания вице-президенти Жанна Медведева 2019 йилнинг ўрталарида Ютада бўлиб ўтган «SmallSat Conference» пайтида ушбу компаниянинг савдо менежери билан учрашган.

«Мен компаниямиз ҳақида гапириб бердим: SpaceX қизиқиш уйғотди, чунки биз Европадан кўп юк олиб келадиган интегратормиз», дея эслайди Медведева Форбес журналига берган интервюсида.

2020 йил октябр ойида немис компанияси SpaceX билан узоқ муддатли ҳамкорлик шартномасини имзолади: энди Exolaunch Америка компаниясининг кичик космик кемаларини учириш дастури доирасида ҳар бир парвозда иштирок этади.

Exolaunch Ричард Брэнсоннинг Virgin Orbit (Virgin Group таркибига кирувчи) кичик сунъий йўлдошларни учириш компанияси билан 2019 йил апрелида шартнома имзолаган.

Exolaunchнинг вазифаси - юкни орбитага етказиб берадиган ракета оператори билан музокара олиб бориш эмас, балки бутун жараёнга бардош бера оладиган йўлдошларни юк омборига жойлаштириш. Богданов Forbesга берган интервюсида Exolaunch ишини кир ювадиган машинасидаги ҳолат мисолида тушунтиришга уринади.

Дмитрий Богданов

Богданов 2020 йилда бутун Exolaunch компаниясининг соф фойдаси тахминан 3 миллион еврони ташкил этганлигини таъкидлайди. Унинг сўзларига кўра, даромад «ўн миллионлаб еврога» етган. Тадбиркор аниқ рақамларни ошкор қилмаган, лекин ҳозирда компаниянинг 50 дан ортиқ мижозлари борлигини, шу жумладан, Spire Global, NanoAvionics, Satellogic, Kepler Communications ва бошқа кичик йўлдошлар ишлаб чиқарувчилари борлигини таъкидлаган.

Exolaunch узоқ муддатда керакли юкларни орбитага ёки сайёранинг ўзига орбитал тугмалар ёрдамида етказиб бериш орқали Марс ва Ойга саёҳат қилиш лойиҳаларида ёрдам беришни режалаштирмоқда. «Бизнинг орзуимиз - космосда DHL бўлиш», - дея тан олади Богданов.