Марокаш қироли Муҳаммад VI мамлакатнинг асосий автомагистралига АҚШ президенти Доналд Трамп номи берилганини айтди. У бу янгиликни Трампга ўзи юборган мактубида эълон қилди.

Morocco World News нашрининг хабар беришича, 1055 километрлик Тизнит-Дахла автомагистрали бутун Африкадаги энг узун йўл лойиҳасидир. Нашр қиролнинг қарорини Марокаш ва АҚШ ўртасидаги «дўстлик ва тинчликнинг далили» деб таърифлаган, бу икки томонлама алоқаларни мустаҳкамлашга хизмат қилади. 

Президент Трампга йўллаган мактубида қирол Муҳаммад VI Марокаш ва АҚШ ўртасидаги муносабатлар ҳар доим «яқин дўстлик ва содиқлик» га асосланганлигини таъкидлади. Бироқ, монарх Доналд Трампнинг икки президентлик муддати давомида бу муносабатлар «юксак чўққиларга» эришганини таъкидлади. Қирол шунингдек, 2020 йилда АҚШ Марокашнинг Ғарбий Саҳрои Кабир устидан суверенитетини тан олганини эслаб, бу қарорни «марокашликлар хотирасида абадий қоладиган»«тарихий қадам» деб атади. 

Қурилиши тахминан ўн йил давом этган (2015–2025) автомагистрал Атлантика қирғоғи бўйлаб ўтади. Бу Ғарбий Африка ва Саҳелга олиб борадиган асосий савдо йўлига айланиши ва қирол таъкидлаганидек, «Марокашни Европа ва Африканинг қолган қисми ўртасидаги кўприкка айлантириши» мўлжалланган.