Мандарин нафақат янги йил дастурхонининг ажралмас қисми, балки кўп миқдорда С витамини ва бошқа фойдали моддалар манбаи ҳамдир, дейди россиялик болалар эндокринологи Даря Губарева.

Мутахассиснинг сўзларига кўра, 100 грамм мандарин таркибида иммунитет тизимининг тўғри ишлаши ва коллаген синтези учун зарур бўлган С витаминининг суткалик эҳтиёжининг ярмидан кўпи бор.

Губареванинг қўшимча қилишича, мандаринлар Б гуруҳи витаминлари, хусусан, тиамин, рибофлавин ва ниацинга бой. Ушбу моддалар ҳужайраларнинг тўғри ишлаши ва ривожланишига ёрдам беради. Ушбу цитрус мевада табиий антиоксидант бўлган Е витамини ва кўриш ва иммунитет учун яхши бўлган A витамини ҳам мавжуд.

Мандарин таркибидаги фосфор тиш ва суякларни мустаҳкамлайди ва инсон организмида энергия ҳосил бўлиш жараёнларида иштирок этади.

Шу билан бирга, шифокор кунига уч-бештадан кўп бўлмаган мандарин истеъмол қилишни маслаҳат беради, чунки бу мева жуда кўп миқдордаги шакарни ўз ичига олади.