София Вергара жаҳондаги энг кўп маош олувчи актриса — бир йилда 43 миллион доллар ишлаган «Modern Family» сериали юлдузини «Forbes» журнали янгиланган рейтингининг биринчи поғонасига жойлаштирди. Таъкидланишича, Вергара бу пулларнинг катта қисмини стрим сервислари ва телевидениедан ишлаган.

Ўтган йилги рейтинг етакчиси Скарлет Йоҳанссон бу йил кучли ўнликка кирмаган.

Анжелина Жоли — иккинчи ўринда. Бир йиллик даромади 35,5 миллион доллар. Вергарадан фарқи, Жоли барча гонорарларини кинодан ишлаган.

Исроиллик актриса Галь Гадот (31,5 миллион доллар) — учинчи ўринда. У «Форсаж» туркум фильмлари, «Бэтмен Суперменга қарши», «Адолат лигаси», «Мўъжиза-аёл» фильмлари билан танилган.

Рейтингга киритилган 10 актрисанинг йиллик даромади жами 254 миллион долларни ташкил этди:

1. София Вергара — $43 млн;
2. Анжелина Жоли — $35,5 млн;
3. Галь Гадот — $31,5 млн;
4. Мелисса Маккарти — $25 млн;
5. Мерил Стрип — $24 млн;
6. Эмили Блант — $22,5 млн;
7. Николь Кидман — $22 млн;
8. Эллен Помпео — $19 млн;
9. Элизабет Мосс — $16 млн;
10. Виола Дэвис — $15,5 млн.