Қашқадарёда чиқинди ташувчи юк машинаси ёниб кетди
Кеча, 18 июль куни Қашқадарё вилояти Муборак тумани ҳудудида чиқинди ташувчи юк машинаси ёниб кетди. Бу ҳақда Қашқадарё ФВБ маълумот берди.
Қайд этилишича, 18 июль куни соат 13:26 ларда Муборак тумани ФВБ га «Сариқ» МФЙ ҳудудидан ўтган А-380 автомобиль йўлининг 118 километрида ҳаракатланиб кетаётган машина ёнаётгани тўғрисида хабар келиб тушган.
Хабарга кўра, ёнғинга 1 та ёнғин-қутқарув бўлинмаси жалб қилинган ва воқеа жойига соат тахминан 13:30 ларда етиб бориб, ёнғин соат 13:40 ларда тўлиқ ўчирилган.
Ёнғин оқибатида Муборак туман «Чимён Экспрес» МЧЖ га тегишли «ISUZU» русумли чиқинди ташишга мўлжалланган автомобилининг салон ва шиналари ёниб зарарланган.
Ёнғин сабаби электр симларини қисқа туташув натижасида эканлиги тахмин қилинмоқда. Тан жароҳати олганлар ва ҳалок бўлганлар йўқ.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter
Изоҳлар мавжуд эмас