Андроид қурилмалар учун Xabar.uz мобил иловаси. Юклаб олиш ×

Шифокор коронавирусдан ҳимояланишнинг яна бир усулини айтди

Шифокор коронавирусдан ҳимояланишнинг яна бир усулини айтди

Фото: unian.net

Бурунни совун билан ювиш вирусларнинг бурун шиллиқ қаватига тарқалиши олдини олади, дея қайд этган шифокор Лариса Алексеева.

«Бу вирусли касалликларни олдини олишда аввалдан ишлатилган самарали эски усул», деди у.

Шифокорнинг қайд этишича, совун таркибидаги ишқор вирусларнинг бурун шиллиқ қаватига бирикишига йўл қўймайди. Кир совуни бу борада айниқса самаралидир, дея қўшимча қилган у.

Терапевт совун билан юзни доимий ювиш терида қуруқликни келтириб чиқаришидан ҳам огоҳлантирган.

«Бунинг олдини олиш учун ювинишдан кейин дарҳол бурнингизга  хушбўй мой суртишингиз керак. Масалан, ялпиз, долчин, чиннигуллар – улар яллиғланишга қарши таъсирга эга ва касалликка қарши курашишда ҳам ёрдам беради. Агар қўлингизда бундай мойлар бўлмаса, сиз зайтунни ҳам ишлатишингиз мумкин. Ёки, масалан, болалар креми» – шифокорнинг сўзларидан иқтибос келтиради нашр.

Шифокорнинг сўзларига кўра, кўчадан уйга қайтгач, қўлларини тирсагига, шунингдек юзини, бўйнини, қулоқларини ва бурунларини ювади – одатда уларни икки-уч дақиқа давомида совунлаб, сўнг ювиб ташлайди.

«Иш пайтида, бир нечта беморни қабул қилгандан сўнг, мен хонани шамоллатаман, қўлимни ва бурнимни юваман. Айтганча, барча офис ишчилари худди шундай қилишлари керак. Сиз шунчаки бурнингизни ювишингиз ёки кафтингиздаги совунли сув билан чайишингиз мумкин», деб маслаҳат берди у.

Шифокорнинг таъкидлашича, вирусли инфекцияни юқтирмаслик учун, авваламбор, бошқа одамлар билан масофани узоқроқ тутишингиз керак.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг