АҚШ республикачиларининг назарида, миллиардер Трамп умрининг «олтин даври»ни оиласи бағрида, голф ўйнаб ўтказиш ўрнига сиёсатга бағишлади ва Америка иқтисодиётини юксалтиришга киришди.

Трампни муносиб тақдирлаш учун, АҚШ Республикачилар партияси унинг портретини 100 долларлик купюрага жойлаштириш кўзда тутилган қонун лойиҳасини таклиф қилди. Бу амалга ошган тақдирда 100 долларлик банкнотада Қўшма Штатлар асосчиларидан бўлган Бенжамин Франклиннинг портрети ўрнида Доналд Трампнинг сурати пайдо бўлади, деб ёзди Fox News.

Конгресс аъзоси Брэндон Гиллнинг айтишича, ушбу қонун лойиҳаси — Трамп «келгуси тўрт йилда қилажак барча нарсалар» эвазига кўрсатиладиган «кичик эҳтиром».

Қонун ўтган тақдирда, тегишли банкноталар чиқарилиши камида 2029 йилдан бошланади.

Америка валютасининг қиёфасини ўзгартириш — оғир масала. Сўнгги маротаба 1929 йилда ўзгариш қилинган: Эндрю Жексон Гровер Кливленднинг ўрнига 20 долларликда кўриниш берган.

Барак Обаманинг худди шу Жексонни Гарриет Табменга алмаштириш режаси эса Трамп биринчи марта президент бўлганидан кейин пучга чиққанди.

Қолаверса, тирик инсонни валютада акс эттириш учун АҚШнинг амалдаги қонунига ҳам ўзгартириш киритиш талаб қилинади.