14 июл куни ўтказилган олий ва профессионал таълим муассасаларига ўқишга кириш тест синови натижалари эълон қилинди. Бу ҳақда Билимларни баҳолаш агентлиги хабар берди. 

Тест синовида иштирок этган абитуриентлар ўз натижаларини 4 хил усулда билишлари мумкин: 

1. My.uzbmb.uz сайтининг “Натижани олиш” бўлимидан паспорт серияси ва рақами ҳамда шахсий идентификация рақамини киритган ҳолда. 

 2. Mandat.uzbmb.uz сайти орқали абитуриент қайд варақаси ёки абитуриент рухсатномасида кўрсатилган абитуриентнинг ID рақамини киритган ҳолда. 

3.Билимни баҳолаш агентлигининг қуйидаги телеграм ботларига абитуриент қайд варақаси ёки рухсатномасида кўрсатилган абитуриентнинг ID рақамини юборган ҳолда: 

@bmba_natija_bot

@bmba_natija_1bot

@bmba_natija_2bot

 4. СМС хабарнома хизмати орқали: 

Абитуриентлар танлов натижаларини 5100 рақамига қайд варақаси ёки рухсатномада кўрсатилган абитуриент IDʼсини юборган ҳолда ҳам билиши мумкин. 

Бунда СМС юборилган телефон рақамига тест натижаси бўйича СМС хабарнома юборилади (хизмат ҳақи мавжуд).