АҚШнинг Огайо штати университети олимлари аччиқ қалампирнинг таъсирини (аччиғини) камайтирувчи учта табиий бирикмани топишди. Кашфиёт анъанавий Сковилл шкаласининг аниқлигини шубҳа остига қўяди ва озиқ-овқат ҳамда фармацевтика саноати учун янги имкониятлар очади. Тадқиқот Journal of Agricultural and Food Chemistry (JAFC) илмий нашрида чоп этилди.

Гарчи қалампирнинг аччиғи анъанавий равишда капсаицин ва дигидрокапсаицин (SHU, Сковилл шкаласининг асоси) миқдори бўйича ўлчанса-да, SHU кўрсаткичлари юқори баъзи навларнинг аччиғи кутилганидан камроқ бўлиб чиқади. Жамоа бу аномалияга ойдинлик киритиш учун Chile de árbol ва Scotch bonnet каби 10 турдаги қалампир устида тажриба ўтказишди.

Мутахассислар турли қалампирлардан олинган кукунларни 800 SHU даражасигача стандартлаштирдилар. Шундан сўнг дегустаторлар аччиқлик сезилишидаги жиддий фарқни қайд этишди. Кимёвий таҳлил аччиқликнинг бешта потенциал модуляторини аниқлади. Синовлар учта бирикма аччиқликни камайтиришини тасдиқлади.

Учта асосий бирикма — капсианозид I, розеозид ва занжабил гликолипиди А — аччиқликни самарали камайтирган ҳолда ўзларидан таъм чиқармади. Қизиғи, бу бирикмалар учлиги аччиқлик эффектини кучайтирмаган.

Янги кашфиёт натижасида таомларнинг аччиқлигини кесувчи ғайризираворлар яратилиши, опиоидсиз оғриқ қолдирувчи янги дори воситалари ишлаб чиқарилиши ҳамда аччиқ маҳсулотларни баҳолаш усулларини такомиллаштирилиши мумкин.