Андижондаги ёнғин ҳақида расмий маълумот берилди
Бугун, 12 январь куни соат 13:40 да Андижон вилояти Андижон тумани Куйганёр шаҳарчаси «Истиқлол» МФЙда жойлашган мебель ишлаб чиқариш цехида ёнғин содир бўлаётганлиги тўғрисида вилоят ФВБга хабар келиб тушган.
Қайд этилишича, шунга асосан ёнғин-қутқарув экипажлари соат 13:55 да воқеа жойига етиб бориб, ёнғин соат 14:00 да қуршаб олинган ва соат 14:55 да бартараф этилган..
«Ёнғин натижасида цехининг тахминан 150 кв.м. майдонда томи, шифти ва маҳсулотлари ёниб зарарланган.
Ҳодиса оқибатида тан жароҳати олган ва ҳалок бўлганлар йўқ.
Ҳозирда ёнғиннинг келиб чиқиш сабаби ва моддий зарар миқдори аниқланмоқда», дейилади ФВВ хабарида.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter