АҚШ ва Исроил Ғазодаги можарога барҳам бериш бўйича янги таклиф устида ишламоқда, деб ёзади The New York Times манбаларига асосланиб.

Янги келишув ҲАМАСдан барча гаровдагиларни озод қилиш ва қуролсизлантиришни талаб қилади. “Исроил бош вазири Бенямин Нетаняху ва АҚШ президенти Доналд Трамп ҲАМАСга ультиматум қўйишни ўз ичига олган янги таклиф устида ишламоқда”, деб ёзади нашр. 

Нашрнинг ёзишича, янги режа ҲАМАС томонидан гаровга олинган қолганларни озод этиш, шунингдек, жанговар ҳаракатларни тўхтатиш ва Фаластин ҳаракатини қуролсизлантиришни назарда тутади. Бунинг эвазига Исроил фаластинлик маҳбусларни озод қилиши керак. 

 Шанба куни АҚШ президентининг элчиси Стив Уиткофф Ғазода гаровга олинган исроилликларнинг оилалари билан учрашувда ҲАМАСни қуролсизлантиришга тайёрланишга чақирди. Унинг таъкидлашича, Қўшма Штатлар ва Исроил урушни тугатишга қаратилган келишув устида ишламоқда. Фаластин ҳаракати пойтахти Қуддусда бўлган Фаластин давлати тузилмагунча, қуролини ташлаб кетмаслигини бир неча бор таъкидлаган.