Америкалик олим Питер Хотезнинг таъкидлашича, инсоният COVID-19 нинг сабабларини батафсил аниқлаш керак, акс ҳолда COVID-26 ва COVID-32 бизга хавф солади. Бу ҳақда NBC News канали эфирида сўзлаган нутқида айтиб ўтган.

Мутахассиснинг таъкидлашича, ҳозирги COVID-19 пандемияси 2002-2003 йиллардаги SARS эпидемияси ва Яқин Шарқдаги MERS нафас қисиш синдромидан кейин «XXI асрда коронавируснинг учинчи йирик эпидемияси ёки пандемияси».

«Агар биз COVID-19 нинг келиб чиқишини тўлиқ тушунмасак, у ҳолда келажакда COVID -26 ва COVID-32га дуч келамиз», — дейди Хотез.

Янги коронавируснинг «авж олишини» текшириш керак. Бунинг учун вирусологлар, эпидемиологлар ва бошқа мутахассислар эпидемия бошланган Хитойнинг Ухан шаҳрига юборилиши керак. Касаллик пайдо бўлган жойда улар маълумотлар ва керакли намуналарни тўплаш имкониятига эга бўладилар.

Хотезнинг айтишича, агар Хитойбу ишга бош қўшмаса, COVID-19 нинг келиб чиқиши тўғрисида маълумотларни олиш муаммоли бўлади.

Пекинга қаттиқ босим ўтказиш, шу жумладан мумкин бўлган барча санкцияларни киритиш керак, шунда мутахассислар ҳайвонлар, одамлар, намуналар ва лабораторияларга тўсиқсиз кириш имкониятига эга бўладилар, дея фикрини якунлаган олим.