Бугун Францияда президент сайланади
Бугун, 24 апрел куни Францияда президентлик сайловларининг иккинчи тури бўлиб ўтмоқда.
Икки рақиб — амалдаги президент Эммануэл Макрон ва «Миллий бирдамлик» партияси раҳбари Марин Ле Пенлар давлат раҳбари курсиси учун кураш олиб бормоқда.
Аввалроқ Марин Ле Пен ва унинг тарафдорлари Европа парламенти (ЕП)дан олинган маблағларни ўзлаштиришда гумон қилинаётгани хабар берилганди.
Ушбу икки номзод 10 апрел куни кечган биринчи турда биринчи ва иккинчи поғоналарни банд этган, ўшанда Макрон — 28,5 фоиз, Ле Пен — 24,2 фоиз овоз тўплаган.
OpinionWay-Kea Partners хабарига кўра, Макрон 57 фоиз, Ле Пен эса 43 фоиз атрофида овоз олиши кутиляпти.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter