Урушлар, қашшоқлик ва иқлим офатлари шароитида мажбурий меҳнат тузоғига тушган болалар сони ўсишда давом этмоқда. Халқаро ташкилотлар маълумотларига кўра, айни пайтда дунё бўйлаб 3,3 миллиондан ортиқ бола кўпинча хавфли ва оғир шароитларда – шахталарда, конларда, фабрикаларда ва шахсий уйларда ишлашга мажбур.

Айниқса, Бангладеш, Сурия ва Конго Демократик Республикаси каби давлатларда вазият хавотирга солмоқда. Мажбурий меҳнат тизимига кирган барча болаларнинг ярми фоҳишалик, одам савдоси ва фоҳишахоналар орқали жинсий эксплуатация қурбонига айланади. Айниқса, ота-онасиз қочқин болалар, ногирон болалар ва меҳрибонлик уйларидаги болалар хавф остида.

БМТ маълумотларига кўра, 2005 йилдан 2022 йилгача 105 мингдан ортиқ бола қуролли гуруҳларга мажбуран жалб қилинган. Улар аскар, сапёр ёки тирик қалқон сифатида ишлатилади.

"Қизлар кўпинча турмушга чиқишга мажбурланади ёки жинсий зўравонликка дучор бўлади", - дейди экспертлар.

Бирлашган Миллатлар Ташкилотининг гиёҳванд моддалар ва жиноятчилик бўйича бошқармасининг огоҳлантиришича, даромади паст бўлган мамлакатларда одам савдосидан жабр кўрган ҳар иккинчи одам бола эканлиги ҳақида огоҳлантирмоқда.