Буюк Британиянинг Ньюпорт шаҳрида яшаган 97 ёшли Бабетт Бердж тез тиббий ёрдамни 10 кун кутишга мажбур бўлди ва вафот этди. Бу ҳақда Daily Mail нашри хабар берди.

Маълум қилинишича, кекса аёл ўз уйида полда ётган ҳолда топилган. Унинг нафас олиши қийинлашган бўлган ва орадан бир неча соат ўтиб вафот этган.

Суд-тиббий экспертиза хулосасига кўра, ўлимнинг асосий сабаби пневмония бўлган. Шунингдек, чап сон суягининг синиши ва узоқ вақт ҳаракатсиз қолиши қўшимча омил сифатида қайд этилган. Марҳуманинг танасида қон айланишининг бузилишини кўрсатувчи аломатлар ҳам аниқланган. Бундай ҳолат одатда совуқ қотиш ёки узоқ вақт ҳаракатсиз ётиш натижасида юзага келади.

Фожиадан олдин маҳаллий поликлиника фельдшери Бабетт Берджни кўрикдан ўтказиб, сон суяги синишига хос белгиларни қайд этган. Бироқ уни шошилинч равишда шифохонага ётқизиш ўрнига, тез ёрдам St Mary's Hospitalга фақат 10 кундан кейин олиб боришини айтган. Бу вақт ичида аёл уйида қолган ва яна бир марта йиқилиб тушган.

Ҳозирда ушбу ҳолат юзасидан расмий текширув бошланган.