Эрдўғон: «Ёлғонинг ўтмайди»
Туркия парламенти йиғилишида президент Ражаб Тоййиб Эрдўғон ўзини хусусий «Sadat» ҳарбий компаниясига ҳомийлик қилишда айблаган мухолифатчи Халқ-республикачилар партияси (ХРП) етакчиси Кемал Қиличдорўғлига «Навбатдаги ёлғонинг ўтмайди», деди.
Компания раҳбарлари билан ҳеч қандай алоқам йўқ. Бу ҳақда гапириш — ҳурматсизлик кўрсатиш», — деди Эрдўғон.
Эрдўғоннинг айтишича, «Sadat» — собиқ мустамлака мамлакатларида ишлаётган компания.
Яқинда ХРП ушбу хусусий ҳарбий компанияни суриштириш учун Туркия парламентига сўров киритганди. Мухолифатчиларнинг назарида, бу компания Туркия ҳукумати билан алоқадор бўлиб, 2023 йилнинг июнига белгиланган сайловга аралашишни режа қилган.
Ўз навбатида, «Sadat» барча айбловларни инкор қилиб, ўз шаънини судда ҳимоя қилишини билдирган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter