Эрон жануби-шарқидаги Зоҳидон шаҳрида суд биносига қуролли ҳужум оқибатида камида беш киши ҳалок бўлди, 13 киши жароҳатланган.

Fars агентлиги хабарига кўра, жангарилар тинч аҳолига қарата ҳам бетартиб ўқ узган. Ҳалок бўлганлар орасида аёл ва чақалоқ ҳам бор.

Terrorist attack by unidentified gunmen on a courthouse in Iran's southeastern city of Zahedan has left several people injured and the building evacuated. pic.twitter.com/Met3oALC0Z

— Tehran Times (@TehranTimes79) July 26, 2025

«Уч нафар террорчи йўқ қилинди. Қатор фуқаролар ва уларнинг мулкига зиён етказилган», — дейилади агентлик хабарида.

Ярадорларнинг айримлар оғир аҳволда эканлиги айтилмоқда.

Тўлдирилган маълумот!

Сўнгги маълумотга кўра, суд биносига белуж террорчилари ҳужум қилган. Қурбонлар — 6 нафар, жароҳатланганлар — 22 нафар. Ўлдирилганларнинг уч нафари — суд биноси қўриқчилари. Шунингдек, уч террорчи ўлдирилган.

«Жайш ал-Адл» террорчилар гуруҳи ҳужумни ўз бўйнига олди — белужларни ўлимга ҳукм қилган ва уларнинг уйларини буздирган судялардан ўч олиш мақсадида теракт амалга оширилган.