Эртага, 21 апрел куни Тошкентнинг айрим кўчалари вақтинча газ таъминотидан узиб турилади. Бу ҳақда шаҳар ҳокимлиги канали томонидан хабар берилган.

«Ҳурматли Мирзо Улуғбек тумани аҳолиси!

21 апрел куни соат 11:00 дан 18:00 га қадар Мирзо Улуғбек тумани Тоҳир Малик ва Тинчлик кўчасидан ўтган ер ости газ қувурларини таъмирлаш ишлари олиб борилиши муносабати билан айрим истеъмолчилар вақтинча тармоқдан узиладилар.

Аҳоли истеъмолчилар:

— Қора сув бўйи кўчаси;
— Гёте кўчаси;
— Қора сув мавзеси;

Улгуржи истеъмолчилар:

— Ички ишлар вазирлиги ҳузуридаги Академия биноси;
— «Нобель фарм» саноат корхонаси;
— Тошкент вилояти йўл ҳаракати хавфсизлиги бошқармаси;
— Қора сув-4 даҳасидаги «Мурувват уйи»;
— 2-Иссиқлик маркази;
— Қора сув-6 даҳасидаги нон заводи;
— Қора-сув-6 даҳасидаги барча кичик корхоналар.

Шунингдек, 2-Иссиқлик марказига газ етказиб берилиши вақтинча тўхташи муносабати билан ушбу ҳудуд аҳолисига иссиқлик энергияси таъминотида ҳам узилиш кузатилади.

«HUDUDGAZTA’MINOT» АЖ келтирилган ноқулайликлар учун узр сўрайди», — дейилади хабарда.