Европа Иттифоқида катта ёшли аҳолининг қарийб 55 фоизи эмланди
Европа Иттифоқида ҳозирги кунга қадар 200 миллион киши, яъни катта ёшли аҳолининг қарийб 55 фоизи коронавирусга қарши тўлиқ эмланиб бўлди. Бу ҳақда Брюсселда бўлиб ўтган брифингда Европа комиссияси вакили Дана Спинант маълум қилган.
«Бугунги кунга келиб Европа Иттифоқида 200 миллион киши тўлиқ эмланди. Бу катта ёшли аҳолининг 54,7 фоизини ташкил этади. Иттифоқдаги катта ёшли аҳолининг 68,4 фоизи вакцинанинг ҳеч бўлмаганда битта дозасини қабул қилишган», — деди у.
Унинг фикрича, бу яхши кўрсаткичлар, аммо вирус тарқалишига қарши самарали курашиш учун вакцинация бутун ЕИ ҳудуди бўйлаб бир текис амалга оширилиши ниҳоятда муҳим.
Аввалроқ Руминия, Болгария ва Хорватияда Европа Иттифоқининг бошқа аъзоларига қараганда вакцинация жараёни секинроқ кечаётгани таъкидланганди.
Европа Иттифоқи июль ойи охирига қадар катта ёшли аҳолининг 70 фоизини коронавирусга қарши тўлиқ эмлашни ўз олдига мақсад қилиб қўйган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter