ФИФА терма жамоалар рейтингини янгилади: Ўзбекистон нечанчи ўринда?
ЖЧ-2026 якунига етгач, ФИФА миллий жамоаларнинг рейтингини янгилади. Ўзбекистон 10 поғона пастлаб, 60-ўриндан жой олди.
Терма жамоамиз ҳисобида ҳозир 1409,73 рейтинг очкоси бор. Ўзбекистон сўнгги янгиланишда 23,11 очко йўқотди — ЖЧ-2026даги кўрсаткичлар бунга асосий сабаб бўлди.
Осиё жамоалари орасида Япония 17-ўрин билан етакчиликни сақлаб қолди. Кейинги ўринларни Эрон (22), Австралия (28) ва Жанубий Корея (32) банд этди.
Ўзбекистон жаҳон рейтингида — 60-ўринда, қитъада — еттинчи.
Жаҳон чемпионати ғолиби — Испания 1995,88 очко билан ФИФА рейтингида биринчи ўринга кўтарилди. Собиқ пешқадам Аргентина — иккинчи, Франция — учинчи, Англия — тўртинчи ва Бразилия — бешинчи ўринда.
Янгиланган рейтингнинг кучли ўн бешлигига, Марокаш, Португалия, Белгия, Нидерландия, Мексика, Колумбия, Германия, Хорватия, Швейцария ва Италия ҳам кирди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter