Германия президенти Россия билан сиёсатда хатолар қилганини тан олди
Германия президенти Франк-Волтер Штайнмайер биринчи марта Россия билан боғлиқ сиёсатда ўз хатолари ва нотўғри дея ҳисоблаган тушунчалари ҳақида гапирди.
«Менинг «Шимолий оқим-2» газ қувурига содиқлигим аниқ хато эди. Ҳамкорларимиз огоҳлантирганидек, биз Россия энди ишонмайдиган кўприкларга ёпишиб олдик», — деди сиёсатчи 4 апрел, душанба куни.
Штайнмайер, шунингдек, Россия иштирокида «Умумий Европа» уйини яратиш муваффақиятсизликка учраганини ҳам тан олган. Унинг айтишича, «Владимир Путиннинг империалистик қарашлари бунга ҳалақит берган».
Германия президенти урушдаги бор жавобгарликни Владимир Путин бошчилигидаги ҳукуматга қўйган ва бу ҳукумат статуси урушдан аввалгидай бўлмайди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter