Ҳиндистонда коронавирусга чалинганлар сони бир миллиондан ошди — ОАВ
Ҳиндистонда ковид касаллиги аниқланган инсонлар сони бир миллиондан ошди. Бу ҳақда маҳаллий «Hindu» нашри ўз ҳисоб-китобларига асосланиб хабар берди.
Нашрга кўра, Ҳиндистонда бугун, 16 июль куни коронавирус қайд этилиши бўйича жами ҳолатлар сони 1 001 449 тага етган, вирус қурбонлари сони эса — 125 582 киши.
Ҳиндистон соғлиқни сақлаш вазирлиги берган охирги маълумотда мамлакатда коронавирус беморлари сони 968 минг нафардан ошгани кўрсатилган. Ҳукумат қўшимча қилишича, беморларнинг аксарият қисми — 612 минг киши тузалиб кетган.
Ҳозирда Ҳиндистон дунёдаги учинчи коронавирус ўчоғи бўлиб турибди. Энг кўп касаллик АҚШ ва Бразилияда қайд этилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter