Ҳиндистоннинг Махараштра штатида 20 та коронавируснинг янги тури «Дельта плюс» (B.1.617.2.1) ни юқтириш ҳолати қайд этилган. Бу ҳақда India TV телеканали хабар берди. 

«Дельта плюс Нави-Мумбай, Палгар ва Ратнагиридан топилди. Шундан сўнг биз таҳлил учун кўпроқ намуналар жўнатдик ва ҳисоботларни кутмоқдамиз», — дейди у.

Ратнагири шаҳрида янги штамм билан юқтиришнинг бешта ҳолати қайд этилган. беморларнинг иккитасида ҳеч қандай юқтирганлик аломатлари йўқ. Шаҳар маъмурияти касаллик топилган ҳудудни вақтинча ёпиб қўйишган.

2020 йил 5 октябрда Ҳиндистоннинг Махараштра штатида аниқланган В.1.617 коронавирус штами яқин орада кўплаб мамлакатларда топилган. Маҳаллий шифокорларнинг фикрига кўра, бу мутация Ҳиндистонда коронавируснинг иккинчи тўлқинининг сабабларидан бири бўлиши мумкин.

Ҳозирда Ҳиндистон коронавирус билан касалланганлар сони бўйича дунёда иккинчи ўринда турибди. Маҳаллий Соғлиқни сақлаш вазирлигининг сўнгги маълумотларига кўра, ўтган йилнинг март ойидан бошлаб, коронавирус билан касалланганларнинг умумий сони 29,8 миллиондан ошган. Беморларнинг 28,7 миллиондан ортиғи соғайиб кетган, 386 мингдан ортиғи вафот этган. Ҳозирда 729 минг киши даволанмоқда.