Opera компанияси интернетнинг ривожланиш тарихига бағишланган Web Rewind интерактив порталини тақдим этди. Opera браузери ишга туширилганига 2026 йилда 30 йил тўлади, лойиҳа шу муносабат билан ишга туширилди.

Web Rewind 1995 йилдан ҳозиргача бўлган даврни қамраб олувчи хронологик тузилишга эга рақамли архивдир. Фойдаланувчиларга dial-up ва дискетлар давридан тортиб, йирик онлайн платформалар ва сервислар пайдо бўлгунга қадар йиллар кесимида асосий воқеалар ва технологик босқичлар шарҳи тақдим этилган.

Архивда қайд этилган муҳим босқичлар қаторидан Googleнинг ишга туширилиши, MySpace ва Twitterнинг ривожланиши, шунингдек, веб-технологиялар ва фойдаланувчи интерфейсларининг эволюцияси каби воқеалар жой олган. Тақдим этилган объектларнинг аксарияти интерактивдир. Фойдаланувчилар виртуал элементлар билан ишлашлари мумкин, масалан, 1995 йил бўлимида клавиатурани босиш, сичқончадан фойдаланиш ёки компютерни саҳифалаб кўриш имконияти бор.

Ушбу лойиҳа интернетнинг ўтган 30 йилдаги технологик трансформациясини намойиш этишга ҳамда браузерларнинг замонавий рақамли муҳитни шакллантиришга қўшган ҳиссасини акс эттиришга қаратилган.