Клублар ўртасидаги жаҳон чемпионатида сенсация — «Окленд Сити» Аргентинанинг номдор «Бока Хунисорс»идан бир очко тортиб олди.

Атиги 10 кун аввал «Окленд» маҳаллий кубокни 4-лиганинг аргентиналик муҳожирлар жамоасига бой берган эди. АҚШга келиб аввалига «Бавария»дан (0:10), кейин «Бенфика»дан (0:6) қақшатқич мағлубиятга учради. Кейин эса қўққисдан «Бока»нинг оёғидан чалди — 1:1.

Opta клублар рейтингида «‎Бока Хуниорс» — 142-ўринда, «Окленд» — 4 971-поғонада.

КЖЧда янги зеландияликларнинг ягона голини мактаб ўқитувчиси Кристиан Грэй киритди. «‎Окленд» таркибида риэлторлар, сартарошлар, бассейн тозаловчилар ва омборхона ишчилари тўп суришди. Турнирга келиш учун кўплари ўз ҳисобларидан таътил олишга мажбур бўлишди.

Янги зеландияликлар клублар ўртасидаги жаҳон чемпионатини умумий 1:17 голлар фарқи билан якунлашди, аммо улар бахтли. «‎Бока» билан дурангни чемпионлик каби нишонлашди. Арзийдиям: клуб салкам 4,6 млн доллар ишлаб олди, бу унинг салкам етти йиллик бюджетига тенг!