Корея томони Ўзбекистондан яна 6 бош хизмат итини харид қилди
Жорий йилнинг июнь ойида имзоланган шартномага кўра, кореялик мутахассислар Ўзбекистондаги Миллий кинология марказидан яна 6 бош хизмат итларини харид қилди.
Мазкур шартнома доирасида Тошкент халқаро аэропорти орқали 6 бош хизмат итлари тегишли ветеринария диагностика ва кўриклардан муваффақиятли ўтказилиб, халқаро ташиш учун зарур бўлган ҳужжатларни расмийлаштирган ҳолда Кореяга жўнатиб юборилди.
Хабарда айтилишича, Жесси, Белла, Фарона, Рада, Файз, Фариз лақабли хизмат итларини кореялик божхоначилар қабул қилиб олишган. Улар иқлимга мослашиш жараёнлари якунига етгач, хизматга сафарбар қилинади.
Эслатиб ўтамиз, аввалроқ кореялик мутахассислар Ўзбекистондан 3 бош хизмат итларини экспорт қилган эди.
Божхона қўмитаси хабарига кўра, ҳозирга қадар Миллий кинология марказида етиштирилиб, гиёҳвандликка қарши курашиш йўналишида тайёрланган ва Кореяга юборилган хизмат итлари сони 12 тага етган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter