Костромадаги тунги клубда юз берган ёнғинда 13 киши ҳалок бўлди
Кеча тунда Россиянинг Кострома шаҳридаги Никольский кўчасида жойлашган «Полигон» тунги клубида ёнғин содир бўлди. Бу ҳақда РИА Новости хабар берди.
Ёнғин оқибатида 13 киши ҳалок бўлган, яна тўрт киши жароҳат олган. Ёнғин ичида қолган бинонинг умумий майдони 3,5 минг квадрат метр бўлиб, бинонинг томи қулаб тушган.
Фавқулодда вазиятлар вазирлигининг Кострома вилоятидаги Бош бошқармаси Марказий ёнғин бўлимига Москва вақти билан соат 02.37 да клубда ёнғин чиққани тўғрисида хабар келиб тушган.
Етиб келган қутқарувчилар бинодан 250 кишини эвакуация қилган, яқин атрофдаги уйлардан эса яна 15 киши олиб чиқилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter
Изоҳлар мавжуд эмас