Литвада Пентагоннинг иккита батальони жойлаштирилади
Литвада апрель ойининг охири ёки май ойи бошларидан Пентагон (АҚШ армияси)нинг батальонлари сони иккитага етади. Бу ҳақда Литва мудофаа вазири Арвидас Анушаускас баёнот берди.
«Муайян муддат Литвада Американинг иккита батальони жойлаштирилади. Апрель охири ёки май ойи бошларида янги батальон етиб келади. Литвадаги олдинги Америка батальони ротация қилинмайди (жойида қолади)», — деди Анушаускас.
Мудофаа вазирининг айтишича, 2021 йилдан НАТОнинг Литвадаги ҳарбий хизматчилари сони минг нафарга ошганди ва яна шунча миқдорга оширилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter