Метронинг икки бекати 4 ойга ёпилади
Тошкент метросининг «Юнусобод» ва «Туркистон» бекатлари режали профилактик ишларни амалга ошириш мақсадида 26 августдан бошлаб 4 ой муддатга ёпилади.
Юнусобод йўналишидаги поездлар ҳаракати «Шаҳристон» ва «Минг Ўрик» бекатлари оралиғида одатий тарзда ҳаракатланиши давом этади.
Йўловчиларга ноқулайлик туғдирмаслик мақсадида, «Туркистон-Юнусобод–Шаҳристон» метро бекатлари оралиғида бепул хизмат кўрсатувчи катта сиғимли автобуслар (метробус) ҳаракати йўлга қўйилади.
Ушбу автобусларнинг кунлик иш вақти тонги 06:00 дан тунги 00:00 га қадар амалга оширилади, деб хабар бермоқда «Тошкент метрополитени» ДУК.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter