«Microsoft» дунёнинг энг қиммат компаниясига айланди
«Microsoft» дунёнинг энг қиммат компанияси — Нью-Йорк фонд биржасида 29 октябрь куни ўтказилган савдолар якунида компания капитализацияси $2,46 триллионга етди.
Иккинчи ўринда — «Apple» ($2,41 трлн.). Бир кун олдин чорак ҳисоботи чиққанидан сўнг, «Apple» акциялари қиймати 4 фоизга пасайди. Компания таҳлилчилар кутганидан кам даромад олган.
Аксинча, «Microsoft» акциялари қийматига 1 фоиз қўшилди. Компания ҳисоботи инвесторларга маъқул келди: ишончли ривожланиш йўлида.
Маълумот учун: «Microsoft»га 1975 йилда Билл Гейтс ва Пол Аллен асос солишган. Компания дастурий маҳсулотлар, консоллар, компьютерлар, смартфонлар ва ҳоказо қурилмалар ишлаб чиқаради. «Microsoft» штаб-квартираси Редмондда (АҚШ, Вашингтон штати) жойлашган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter