БМТ 10 декабрни Халқаро футбол куни сифатида белгилаб қўйган. Футбол — дунёдаги энг оммавий спорт тури, 1872 йили биринчи расмий турнир ўтказилган Англия эса унинг ватани саналади. Шу пайтгача 21 марта жаҳон чемпионати ўтказилган.

Милтиқ ўрнига копток

1914 йилда футбол тарихидаги энг ғайриоддий ўйинлардан бири бўлиб ўтган: Биринчи жаҳон урушида бир-бирига қарши урушаётган инглиз ва немис аскарлари футболда ҳам куч синашиб кўришган.

Қутб футболи

1915 йилнинг 16 февралида Антарктидада ўтказилган футбол турнирида «Эндьюранс» ва «Аврора» кемалари экипажлари куч синашган.

«Ҳаёт матчи»

1942 йилнинг 6 май куни қамалдаги Ленинградда «Динамо» ва Болтиқ флоти ўртасида мусобақа ўтказилган. Афсонавий беллашув кейинчалик «Ҳаёт матчи» номини олди.

«Ўлим матчи»

1942 йилнинг 9 августида фашистлар босиб олган Киевда «ўлим матчи» бўлиб ўтган: маҳаллий «Старт» немисларнинг «Флакельф»ига қарши. Ўйин тугаганидан кейин мезбон жамоа аъзоларининг ярми концлагерларга жўнатилган, ярми отиб ташланган.

Энг узоқ вақт давом этган ўйин

2015 йили энг узоқ давом этган футбол (102 соат)га «Сент-Мэрис» (Англия) стадионига келганлар гувоҳ бўлишган.

Тоғ футболи

2017 йилнинг 1 июнида Килиманжаро тоғида 30 нафар қиз энг баланд тоғ футболи ўйнашган. «Стадион» денгиз сатҳидан 5730 метр баландликда жойлашган.

Айиқлар орасида

2018 йилнинг 22 март куни «Свальбард» (Норвегия) музёрар кемаси экипажи Гренландия музликларида футбол ўйнашган. Ўйинчиларни айиқлардан қуролли соқчилар ҳимоялаб туришган.

Ер ости футболи

2018 йил 24 майида Россиянинг Нижегород вилоятида 70 метр чуқурликдаги конда Арзамаснинг «Шахтёр» жамоаси Пешелан гипс заводи шахтёрларига қарши тўп сурган.

Фазовий футбол

Футболни исталган жойда ўйнаш мумкин: ХКС космонавтлари Антон Шкаплеров ва Олег Артемьев буни исботлаб ҳам қўйишган.