Қашқадарёда катта сув қувури тешилиб, тоза ичимлик суви балиқ кўлига оқизиб қўйилгани маълум бўлди
Қашқадарё вилоятининг Чироқчи туманида аҳолига бораётган тоза ичимлик суви қувури тешилиб, истеъмолга яроқли сув 321 метр узоқликдаги балиқ кўлига оқизиб қўйилгани аниқланди. Бу ҳақда «Қашқадарё сув таъминоти» МЧЖ ахборот хизмати хабар бермоқда.
Аниқланишича, «Яккабоғ-Муборак» бош сув қувурининг «Қаҳрамон» МФЙ атрофидан ўтган қисмида балиқчилик фермер хўжалиги раҳбари А. А. томонидан диаметри 76 мм бўлган қувур билан ноқонуний равишда уланиб, тоза ичимлик суви балиқ кўли ҳавзасига оқизиб қўйилганлиги аниқланган.
Ҳолат юзасидан тегишли далолатнома тузилиб, ноқонуний уланма бош сув қувуридан узилди ҳамда далолатнома қонунбузарга нисбатан чора кўриш учун Ичимлик сувидан фойдаланишни назорат қилиш вилоят ҳудудий инспексиясига тақдим этилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter