Ўзбекистонда 2026 йилнинг январ–май ойларида 37 минг 615 та янги корхона ва ташкилот давлат рўйхатидан ўтказилди. Миллий статистика қўмитасига кўра, бу кўрсаткич 2025 йилнинг мос даврига нисбатан 1 минг 95 тага кўпайган.

Янги ташкил этилган субъектлар сони бўйича Тошкент шаҳри етакчиликни сақлаб қолди. Пойтахтда беш ой давомида 8 минг 102 та янги корхона ва ташкилот фаолият бошлаган.

Иккинчи ўриндан Тошкент вилояти жой олган бўлиб, бу ерда 3 минг 932 та янги субъект ташкил этилган. Кейинги ўринларда Хоразм вилояти — 3 минг 205 та ва Самарқанд вилояти — 3 минг 62 та кўрсаткич билан қайд этилди.

Фарғона вилоятида 2 минг 708 та, Қашқадарё вилоятида 2 минг 362 та янги корхона ва ташкилот ташкил қилинган. Жиззах вилоятида мазкур рақам 2 минг 165 тани ташкил этган.

Сурхондарё вилоятида 2 минг 106 та, Андижон вилоятида эса 2 минг 83 та янги субъект давлат рўйхатидан ўтган. Бухоро вилоятида 1 минг 992 та, Наманган вилоятида 1 минг 917 та янги корхона ташкил этилган.

Қорақалпоғистон Республикасида 1 минг 702 та, Навоий вилоятида 1 минг 276 та ва Сирдарё вилоятида 1 минг 3 та янги корхона ҳамда ташкилот рўйхатдан ўтган.