Қурбонликдан қайтаётган 4 киши ҳалок бўлди, эчки тирик қолди
Ҳиндистонда қурбонлик маросимидан қайтаётган 4 киши ЙТҲ оқибатида ҳалок бўлди, деб ёзди Bharat News.
Айтилишича, тўртовлон Нарсингҳпур туманидаги Дев Маҳарожа ибодатхонасида қурбонлик маросими ўтказилганидан сўнг уйга йўл олишган. Машинада бешинчи йўловчи — маросим пайти қулоғи кесилган эчки ҳам бўлган.
Йўлда ҳайдовчи бошқарувни йўқотиб, машина кўприкдан Сомвати дарёсига қулаб тушган. Ҳодиса оқибатида икки киши воқеа жойида, икки нафари шифохонада оламдан ўтган. Эчки омон қолган, унга ҳатто жароҳат ҳам етмаган.
Маҳаллий гувоҳларга кўра, аварияга учраган машинадан бир шиша спиртли ичимлик топилган — бахтсиз ҳодиса ҳайдовчининг мастлиги сабабли юз берган бўлиши мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter