Рамос: «Беш йилдан кейин Мбаппе тўрт ёки бешта «Олтин тўп»га эга бўлади»
Мадриднинг «Реал» клуби собиқ сардори Серхио Рамоснинг фикрича, Килиан Мбаппе яқин йилларда оламшумул муваффақиятларга эришади.
«Беш йилдан кейин Мбаппе хотиржам бўлади, чунки унгача у тўрт ёки бешта «Олтин тўп»ни қўлга киритади. Унда улкан истеъдод бор,» - дея Мексиканинг «Монтеррей» клуби шарафини ҳимоя қилаётган Рамоснинг сўзларини келтиради Madrid Universal.
Француз «қаймоқранглилар» сафида дебют мавсумини ажойиб ўтказди ва 56 ўйинда 43 та гол урди, аммо жамоа асосий совринлардан қуруқ қолди. Шунга қарамай, Рамоснинг сўзларига кўра, ҳужумчи «Реал»да муваффақиятга эришишга аниқ ишонади.
Маълумотт учун, Килиан 2024 йилнинг ёзида «ПСЖ»дан эркин агент сифатида «Реал»га ўтганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter