Расман: «Реал» Хаби Алонсони бош мураббий этиб тайинлади
«Реал Мадрид» 2025 йил 1 июндан бошлаб жамоани Хаби Алонсо бошқариши ҳақида расман эълон қилди. 43 ёшли мутахассис клуб билан 2028 йил 30 июнгача мўлжалланган уч йиллик шартнома имзолади.
Алонсо бу лавозимга Бразилия терма жамоасига бош мураббийлик қилиш учун жамоани тарк этаётган Карло Анчелоттининг ўрнига келди.
Хаби Алонсо «Байер Леверкузен» билан тарихий муваффақиятларга эришди — клуб Германия чемпионлиги, кубоги ва Суперкубогини қўлга киритди.
Алонсонинг «Реал»даги илк расмий ўйини 18 июн куни Клублар ўртасидаги жаҳон чемпионати доирасида «Ал-Ҳилол»га қарши кечади.
Эслатиб ўтамиз, Хаби Алонсо 2009–2014 йиллар оралиғида футболчи сифатида «Реал Мадрид» шарафини ҳимоя қилган ва жамоа таркибида 158 та ўйинда иштирок этган ҳолда 6 та совринни қўлга киритган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter