Россия Зеленскийнинг сайловлар бўйича баёнотига изоҳ берди
Кремл Владимир Зеленскийнинг Украинадаги президентлик сайловларига тайёргарлик ҳақидаги баёнотига изоҳ берди.
Россия президенти матбуот котиби Дмитрий Песков бу позицияни «жуда янги» деб атади, аммо Владимир Путин ва Доналд Трамп илгари бундай чоралар зарурлигини муҳокама қилганликларини эслатди.
«Бу баёнот жуда янги - бу Путин узоқ вақтдан бери гапириб келаётган нарса ва президент Трамп ҳам яқинда бу ҳақда гапирган. Шунинг учун, бу борада ишлар қандай ривожланишини кўрамиз», деди Песков (ТАСС иқтибоси).
Аввалроқ Украина етакчиси Владимир Зеленский президентлик сайловларга тайёрлигини эълон қилди, аммо уларни ўтказиш учун қонунчиликдаги ўзгаришлар ва хавфсизлик чоралари, жумладан, ҳарбий хизматчиларнинг овоз бериш имконияти зарурлигини таъкидлади. Унинг айтишича, хавфсизлик кафолатланса, сайловлар уч ой ичида бўлиб ўтади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter