Россияда вазир ўринбосари қўлга олинди
Россия рақамли ривожланиш вазирининг ўринбосари Максим Паршин жуда катта миқдордаги пора иши бўйича қўлга олинди, деб хабар берди «Коммерсант».
Мансабдор шахсга нисбатан тергов ҳаракатлари ўтказилганини идора расмийлари тасдиқлашган. Россия Федерацияси Жиноят кодексининг 290-моддасига биноан, Паршин 15 йилгача озодликдан маҳрум этилиши мумкин.
Давлат думаси депутати Александр Хинштейннинг сўзларига кўра, Рақамли ривожланиш вазири ўринбосари Паршин Москвадаги ресторанлардан бирида 3,5 миллион рубл пора олишга уринган. Пул грантлар олишда ёрдам бериш учун берилган. Паршин вазирликдаги IT-компаниялар учун қулай иш шароитларини яратиш борасидаги ишларни назорат қилди.
Максим Паршин 2018 йилдан буён рақамли ривожланиш вазири ўринбосари лавозимида ишлаб келаётганди. Бунгача у Иқтисодий ривожланиш вазирлиги, Россия почтаси ва Меҳнат ва бандлик федерал хизматида ишлаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter