ССВ: «Call-марказ»га мурожаатлар икки баробарга ошиб кетди
Соғлиқни сақлаш вазирлиги Жамоатчилик билан алоқалар бўлими хабарига кўра, 20 кун давомида «Call-марказ»га жами 14 минг 112 та мурожаат келиб тушган.
Янги йилнинг дастлабки 5 кунида ўртача мурожаатлар сони 300-400 тани ташкил этган бўлса, навбатдаги беш кунда кетма-кет ўсиш кузатилиб, 478 тадан 761 тагача етган. Шунингдек 1-10 январ саналарида «Call-марказ» диспетчерлари 4512 та мурожаатни қабул қилган.
Январь ойининг иккинчи ўн кунлигидан бошлаб бу кўрсаткич сезиларли даражада ошди. Мурожаатлар сони кунига ўртача 900-1000 тага етган. Натижада ойнинг иккинчи ўн кунлигида жами 9600 та мурожаат қилинди. Бу, 1-10 январ кунларига қиёслаганда, икки баробарга ошган.
«Call-марказ»га қўнғироқ қилувчиларнинг катта қисми корононавируснинг янги штамми белгилари, уни даволаш йўлларига оид саволлар билан мурожаат этмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter
Изоҳлар мавжуд эмас