2025 йил 1 июлгача тадбиркор аёллар фаолиятига кўмаклашувчи – «Тадбиркор аёллар» платформаси ишга туширилади.

Платформа, жумладан, қуйидаги имкониятларни беради:

• аёл тадбиркорларга хомашё сотиб олишга кўмаклашиш;
• ўзаро кооперацияни кенгайтириш ва маҳсулотларни сотиш учун бозор топиш;
• зарур мутахассисларни излаш ва ишга қабул қилиш;
• лойиҳалар доирасида юзага келаётган муаммоларини аниқлаш ва уларга ечим топиш.

Шунингдек, 2025 йил 1 майдан қуйидагиларни назарда тутувчи «Ҳамкор тадбиркор» дастури йўлга қўйилади:

• ўз бизнесини ташкил этмоқчи бўлган хотин-қизларда тадбиркорлик кўникмаларини шакллантириш;
• кооперация асосида хотин-қизларнинг тадбиркорлик фаолиятини йўлга қўйишга кўмаклашиш;
• маҳаллий ва халқаро электрон платформаларда хотин-қизларга ўз маҳсулотларини жойлаштириш ва сотишга кўмаклашиш.

2025 йил 1 августгача Аёллар тадбиркорлигини қўллаб-қувватлаш йўналишида молиявий хизматлар кўрсатиш стратегияси тасдиқланади.

Етакчи ишбилармон аёллардан иборат Тадбиркор аёллар кенгаши ташкил этилади.