Тошкентда 100 МВт қувватли электр энергиясини сақлаш тизими қурилади
24 июль, пайшанба куни «Wind and Solarshine for electricity distribution panels manufacturing» МЧЖ ва «China Energy International Group» ўртасида «яшил» энергетикани ривожлантириш ва мамлакат энергетика инфратузилмасини модернизация қилишга қаратилган учта шартнома имзоланди.
Жумладан, Бухоро вилоятининг Пешку туманидаги 500 МВт қувватли шамол электр станцияси лойиҳаси бўйича консултация кўрсатиш битими имзоланди. Қайд этилишича, лойиҳа минтақадаги энг йирик лойиҳалардан бири бўлиб, юз минглаб хонадонларни тоза энергия билан таъминлашга хизмат қилмоқда.
Шунингдек, икки томон Тошкент шаҳрида 100 МВт қувватли электр энергиясини сақлаш тизими лойиҳаси бўйича консултация кўрсатиш битими ҳамда қурилиш ишларини бажариш учун ЭПC шартномасини ҳам имзоладилар.
Ушбу лойиҳалар Ўзбекистоннинг барқарор ривожланиш мақсадларига эришиш ва кам углеродли иқтисодиётга ўтиш бўйича миллий дастурининг бир қисми бўлиб ҳисобланади.
Манба: t.me
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter