Трамп Россия–Украина уруши борасида «тақдирга тан берди»
АҚШ президенти Дональд Трамп Россия ва Украина ўртасидаги урушни тўхтатиш музокаралари кутилганидан ҳам мураккаб кечаётганини маълум қилди.
BBC News ёзганига кўра, Трамп бу ҳақда Канада бош вазири Марк Карни билан учрашувда сўз очган. Унинг айтишича, Россия президенти Владимир Путин билан музокаралар «кутилаганидан анча қийин» бўлган.
«Бу – ақл бовар қилмас даражада қийин жараён. Мен буни энг осон ечимлардан бири бўлади деб ўйлагандим», – деди Трамп.
Шу билан бирга, у Ғазо бўйича тинчлик келишувига «жуда яқин» қолганини таъкидлаган. 29 сентябрь куни Трамп Исроил ва ҲАМАС ўртасидаги можарога оид ўзининг тинчлик режасини тақдим этган эди.
Россия–Украина урушига нуқта қўйиш эса Трампнинг сайловолди дастуридаги асосий ваъдалардан бири эди. Россия ва АҚШ делегациялари бир неча марта музокаралар ўтказган, президентлар шахсан Аляскада учрашган. Бироқ, ҳатто вақтинчалик оташкесим тўғрисида ҳам келишувга эришилмаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter