Трамп ва Путин учрашуви 15 август куни Аляскада бўлиб ўтади
Трампнинг Путин билан учрашуви 15 август куни Аляскада бўлиб ўтади. Бу ҳақда АҚШ президенти Truth Social ижтимоий тармоғидаги саҳифасида эълон қилди.
«Россия президенти Владимир Путин билан узоқ кутилган учрашувим келаси жума, 15 август куни буюк Аляска штатида бўлиб ўтади. Тафсилотлар кейинроқ. Эътиборингиз учун раҳмат!» – деб ёзди Доналд Трамп.
Россия президенти ёрдамчиси Юрий Ушаковнинг айтишича, икки давлат раҳбарлари саммити айнан Аляскада ўтказилиши мантиқан тўғри, чунки Россия ва АҚШ қўшни ва чегарадош давлатлар.
Учрашувда Украина инқирозини узоқ муддатли тинч йўл билан ҳал этиш, шунингдек Аляска ва Арктикадаги ўзаро иқтисодий лойиҳалар муҳокама қилинади.
Кейинчалик Трампнинг Россияга ташрифи ҳам истисно қилинмайди. Таклиф аллақачон юборилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter