Трамп вакцинасиз ҳам коронавирусни енгиш мумкинлигини айтди
Президент Дональд Трампнинг фикрича, АҚШ вакцина бор-йўқлигидан қатъи назар коронавирус пандемиясидан қутулади. Бу ҳақда у Шимолий Каролинада ўз тарафдорлари билан учрашувда маълум қилди, деб ёзмоқда «Коммерсант».
ОАВда пайдо бўлган айрим маълумотларга кўра, Трамп президентлик сайловига қадар (3 ноябрь) вакцинани тасдиқламоқчи.
«Вирусдан кўпчилик ўйлаганидан кўра анча тез қутуламиз. Вакцина бўладими-йўқми аҳамиятсиз. Бу албатта амалга ошади», — деди Трамп.
Президент АҚШда вакцина устидаги синовларнинг сўнгги босқичи кетаётганини ҳам эслатиб ўтган. Айтишича, бу вакцина йил охиригача ёки аввалроқ ҳам тайёр бўлиши мумкин.
Жонс Ҳопкинс университети маълумотларига кўра, АҚШ коронавирусдан энг зарарланган мамлакат: юқтиришлар сони (5,7 млн.) бўйича ҳам, қурбонлар сони (177 минг) бўйича ҳам дунёда биринчи ўринда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter
Изоҳлар мавжуд эмас